الكلام الروش

موضوع: الكلام الروش الإثنين أغسطس 27, 2007 8:19 am

مساء الخير لكل الناس الجامدين اللى معانا هنا .......بسم الله الرحمن الرحيم
النهارده معايه موضوع عن الروشنه عاوزين نعرف كده ايه معنى الروشنه عند كل واحد وواحده هنا..
دلوقتى الموضوع ده طق برضه في نافوخى قمت كتباه بس يارب يعجبكوا انا هكتب امثله للروشنه في اعتقاد الناس وكل واحد يختار الحته اللى حاسس فيها ان دى فعلا معنى الروشنه هنختار سوى يعنى روشنه رقم واحد تعنى ............. الروشنه رقم اتنين تعنى................. وانت بقي تشوف انهو فيهم اللى انت حاسس ان ده معناها الصح

الروشنه رقم(1):

ممكن تبقي روشنتى دى عاديه جدا يعنى مجرد كلام روش زى قشطه و peace وفل والكلام ده يعنى روشنتى اختصارها في الكلام واقول نفض وكبر وروق الجى والكلام ده..ياترى دى الروشنه؟؟؟؟؟

الروشنه رقم(2):

ممكن انا بقي روشنتى تبقي في طريقه اللبس بتاعى يعنى البس بناطيل low weste واجلجل شعرى اطوله واقصره واظبط نفسي كده ابقي واد فانكى او بنت كووووووووول في لبسها ..ياترى دى الروشنه؟؟؟؟؟؟

الروشنه رقم(3):

انا بقي روشنتى مع البنات او مع الولاد يعنى انا لو ولد ابقي بكلم بنات وبصيع واخرج مع دى ومع دى عادى ولو بنت هكلم ولاد واصيع معاهم وفل برضه عادى اكلم هيثم وميدو مفيش مشاكل وهوه الولد يكلم سالى وهايدي ...ياترى دى الروشنه؟؟؟؟

الروشنه رقم(4):

روشنتى غيركوا انا بقي ضارب الدنيا طبنجه بشرب سجاير وبانجو ساعات ومقضيها بالطول والعرض وبكلم برضه بنات وهيه بتكلم برضه ولاد وفرى خالص .........ياترى دى الروشنه؟؟؟

انا كده خلصت انت وانتى هتختاروا ايه الروشنه في معقودكم ولو عاوزين تعرفوا ردى انا ممكن اجمع بين روشنه رقم واحد ورقم اتنين يعنى دى وجهه نظرى اعرف بقي وجهه نظركم انتوا ياريت محدش يدخل الا اما يسيب رده لان بجد ايدي وجعتنى من كتر الكتابه ................تحياتى ليكوا كلكوا اختكوا سلمى cat