الصحوبيه بين البنت والولد

بسم الله الرحمن الرحيم اهلا بكل اللى موجودين اللى بيعدوا وبيسيبوا رد واللى بيعدوا برضه ومش بيسيبوا رد الموضوع ده بقي بعد اذن اللى مش بيردوا لازم اسمع ردهم لانه موضوع مهم جدا يعنى نقدر نقول موضوع الساعه

كفايه مقدمات كتيره ندخل في الحوار هوجه كام كلمه كده لكل بنت وكل ولد دخل هنا وبيقرا موضوعنا

بالنسبه للبنات ..................
دلوقتى يا اختى انتى قاعده تكلمى ولاد ماهو مش من قله البنات بتكلمى ولد يعنى وتتكلمى عادى واما يدخل عليكي حد من اسرتك تتكلمى بصوت واطى وال ايه صحبتك وتيجي الفاتوره بلاوى متعرفيش يعنى ان اللى يعمل حاجه في السر يبقي غلط والا كان عرضها على كل الناس وبمنتهى الصراحه المهم بصي يا اختى عمرك وانتى بتكلمى الولد في التليفون او بالمايك من الشات انك بتغضبي ربك يعنى مفكرتيش مثلا ان ربنا ممكن يكون زعلان منك ؟؟ او اللى انتى بتعمليه ده صح ولا غلط؟؟؟ طب هتقوليلي انا برتاح اما بكلم فلان ده في التليفون وبحكيله عن اسرارى كلها ومقدرش ابعد عنه يعنى طب يعنى الكلام ده ميتقالشي لبنت صحبتك؟ ولا حبكت مع ولد يعنى لا غيري نفسك قولى لاء مش هكلمه في التليفون اتحدى نفسك لان الشيطان اللى بيزين لك كده يلا هسيبك تراجعى نفسك وتشوفي اللى انتى بتعمليه ده صح ولا غلط

نيجي بقي للولاد

بالنسبه للولاد......................
انت بقي يا سيدي فاكر انك كده واد اوعى روش وجامد والبنات مقطعه روحها عليك اما تلاقي دى بتكلمك ودى بتكلمك يا حرام غلبان يابا انما انت يعنى ترضي لاختك انها تكلم ولد في التليفون وتستغفلك على انها صحبتها ؟؟؟ اكيد لاء يبقي ليه بقي بتكلمها؟ طب سيبك من دى لانك ممكن تقولى عادى بتكلم ولاد وبتحصل يا شباب والله عادى المهم سيبك اما بتخرج معاها استفدت ايه؟؟ حسيت انك كده راجل يعنى؟ حسيت انك اوعى وشك ؟ فخور كده بنفسك؟؟؟ لا يا شباب مش دى الرجوله ...الرجوله انك تخاف تكلم اى بنت في الموبايل او تخرج معاها عشان محدش يعمل كده في اختك في يوم من الايام طب كلمه اخيره انت بتبقي حاسس بايه وانت مع فلانه؟ هتقولى يعنى مبسوط كده يا سلمى والدنيا قشطه ومفيش مشاكل طب لو مكلمتهاش ولا خرجتوا الدنيا مش قشطه؟؟ لا مش قشطه طب ليه ياعم .؟؟؟؟ مش عارف بس اتعودت ودى حاجه لذيذه يعنى لاء مش لذيذه الشيطان اللى بيخليك تحس انها لذيذه وpeace عادى جدا اومال يبقي ازاى شيطان مينفعش بقي مادى مهمته اللى بيقديها من اول خلق ادم برضه راجعوا نفسكوا

كفايه كده كلام لان ايدي وجعتنى بقي وارجوكوا يا جماعه اى حد يدخل يسيب رده عالموضوع لان الموضوع مش صغير ده كبر وبيكبر كل يوم لازم ناخد بالنا ممكن يبقي في بيتك يا زوجه او في بيتك يا زوج او عيالكوا .......اخواتك وهكذا الموضوع ده مهم جداااااااااااااااااااااااااااااااااااااا عاوزه اسمع رايكوا ايه في الكلام ده واعرف وجهه نظر كل واحد مننا نفتح قلبنا كلنا اخوات ومفيش اى حاجه Very Happy