للناس المهيسه وبس..

بسم الله الرحمن الرحيم عالبركه ياجماعه بصوا بقي من اولها كده اللى مش هيسيب رد معرفشي هعمل في ايه بس هزعل اوووووووووووووووى








تنين طرش واقفين على محطة الأوتوبيس فدار بينهم هذا الحوار

-الأوتوبيس ده رايح مصر الجديدة ؟؟

-إيه ؟ على الحديدة ؟؟ ليه إنت طالب إحسان ؟؟

-بذرة الكتان ؟تلاقيها عند العطار

-الجزار ! إنت عاوز لحمة ؟؟

-زحمة ؟! معلش أصل ده معاد خروج الموظفين

-نور الدين ؟! معرفوش

-متشربوش ؟؟ ليه كفا الله الشر

-راس البر ! دا مصيف هادى

-المعادى ؟؟ دى ضاحية جميلة

-بليلة !!! إنت جعان

-عيان ؟؟ متروح للدكتور

-حنطور ؟! دى مواصلة جميلة توصلك لحاد الباب

-هباب !@ و أنا إلى كنت فاكرك محترم

-إتخرم ؟؟ هو مين ؟؟

-أسبرين ؟؟ ليه إنت عنك صداع ؟؟

-قراع ؟ دا مرض خطير

-فطير ؟؟ده تقيل على المعدة و تمنه غالى

-خالى ؟؟ إنت تعرفه ؟؟ دا كبير فى السن

-جن ؟!#إنت راكبك عفريت !!!!

-كبريت ؟ عاوز تولع ؟؟

-أتدلع ؟؟؟؟!ليه مفيش حد غيرك أتدلع عليه

فمر بيهم راجل شرطة لقاهم بيتخانقوا فقالهم : واقفين هنا بتعملوا إيه قالولوا : مستنيين الإوتوبيس

فقالهم : يانهاركم إسود . جواسيس ؟؟ طب تعالوا معايا على القسم
.............................................................اللى بعدو
مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت
............................................................اللى بعدو
.غبي معدي من امام مزرعة ابقار حب يعرف ازاي البقر بيتزرع دخل يسال الراجل قاله تجيب شوية سكر وترشهم على الارض وتاني يوم هتلاقي البقر طلع عمل الغبي زي ما الراجل قاله، صحي تاني يوم لقى نمل مكان السكر فرح اوي وقال يا حلاوة ده البقر وهو صغير
..........................................................اللى بعدو
مره واحد غبي راح السنيما هو ومراته اول ما النور طفا قال لها جومى يا واليه شكلهم هيناموا
..................................يارب يكونوا عجبكوا الشويه الصغيرين دول واسمع الردود لو حلوين ازود حاجات احلى واكتر انشاء الله




يلا رد بقي يا طعمين احسلكوا